Le Direct

Centrale du Vazzio : la municipalité d'Ajaccio adopte une motion

(A redazzioni d'Alta Frequenza) - Innò à u Vaziu ! Hè statu u slogan di l'uppunenti à a cintrali EDF di u listessu nomu duranti dicennii, è hè divintatu oghji l'ughjettu di una muzioni aduttata da a municipalità d'Aiacciu. Laurent Marcangeli chì t'hà a listessa età cà a cintrali di u Vaziu hà dumandatu à a so maghjurità di pighjà una pusizioni chjara micca par abbandunà a cintrali di u Vaziu, ind'un prima tempu, ma par abbandunà u fuel pisivu com'è cumbustibuli principali. Ssa muzioni hè stata aduttata da a sola maghjurità aiaccina ; in fatti, u testu pudia avè fattu nascia di più l'accunsentu è duvia racoglia i voti di tuttu u cunsighju municipali, ma incidenti essendu accaduti duranti a seenza d'arisera (luni), l'uppusizioni era partuta à u mumentu di vutà. José Filippi hà aduttatu mancu ellu ssu testu parchì avia prisintatu una muzioni chì era assai vicina è chì par ellu era più ristrittiva di pettu à a cintrali. Ùn hà micca vutatu dunqua.

Steti à senta à Laurent Marcangeli chì ci spieca i raghjoni di ssu votu impurtanti.