Centrale de Lucciana : les précisions de la préfecture de Haute-Corse
Centrale de Lucciana : les précisions de la préfecture de Corse
(A redazzioni d'Alta Frequenza) - Cintrali di Lucciana, a custruzzioni sarà compia da quì à u mesi d'aprili 2014, è micca d'aostu di u 2013, com'è privistu: eccu l'annunziu stasera di a prifittura di Corsica. A scelta di fà viaghjà ssa cintrali à u fuel lighjeru, mentri chì u primu prughjettu prividia fuel pisivu, dumanda in fatti travaghji in più. Di pettu à ssa nova urientazioni, chì parmittarà di lià parfurmenzi tennichi è ambientali, l'arnesi di a cintrali sarani mudificati da quì à calchì mesi pà parmetta li di principià à u fuel lighjeru. U novu calendariu di a fin di i travaghji parmetti di pinsà à una missa in serviziu cumpletta di a nova cintrali elettrica à a mità di u mesi d'aprili di u 2014. Aspittendu à què è da fà chì ùn ci sia nisun rumpitura di l'alimentazioni elettrica di a Corsica, u prifettu di Corsica Suprana hà dicisu di prulungà fin'è u 15 d'aprili di u 2014 l'autorisazioni di funziunamentu di a cintrali di Lucciana attuali.
Sur le même sujet
