Centrale de Lucciana : la réponse dans quelques jours
(A redazzioni d'Alta Frequenza) - Si cunniscia "le Galsi le voici"di u presidenti Nicolas Sarkozy, ci sarà forsa "le fioul léger vous l'avez", annunziatu da quì à calchì ghjornu stavolta da u presidenti candidatu. À l’uccasioni di a riunioni stamani (marcuri) di u cunsighju di l’energia, di l’aria è di u clima di Corsica, s’hè in fattu parlatu assai di l’alimentazioni di a nova cintrali EDF di Lucciana. Quissa quì, chì duvarà essa pronta à u sicondu simestru di u 2013, si sà, duvarà principià à u fuel pisivu. Vulè escia da iss’uzzioni purtaria à una ripresa di tuttu u prucedimentu, vali à dì un ritardu chì pudaria andà aldilà di u 15 d’aostu di u 2013, data privista di a piantata di a cintrali attuali di Lucciana. L’affari sò in francesi, senza ghjocu di parolli, parchì chì utilizà a nova cintrali di Lucciana à u fuel lighjeru inghjinnaria una sopra utilisazioni di u Vazziu, chì utilizeghja ellu fuel pisivu assai menu caru. Fà crescia di manera impurtanti a pulluzioni ind’u rughjoni aiaccinu « tirendu » nant’à a cintrali a più ecunomica o metta in avanti a cintrali nova di Lucciana ma utilizendu fuel lighjeru inghjinnendu un tafonu finanziariu, torna una volta a Corsica duvarà pighjà in contu tutti i parametri è situazioni pussibuli.
Écoutez Maria Giudicelli, conseillère exécutive.
Sur le même sujet
