Centrale de Lucciana : anomalie concernant le taux de pollution
(A redazzioni d'Alta Frequenza) - Cunfarenza di stampa stamani (marcuri) di i dui associ chì s'upponini dipoi tanti anni oramai à a custruzzioni o a ricustruzzioni di cintrali termichi à u fuel. A Sintinella è Aria Linda, in fatti, sò vultati annant'à u cartulari di a nova cintrali di u Vazziu è nant'à l'evuluzioni di ssu cartulari. L'associ ani studiatu dinò da vicinu a qualità di l'aria ind'i cità d'Aiacciu è Bastia. Volini fà sapè, cù una certa irunia, chì u nivellu di pulluzioni autorizatu in Lucciana dopu à u lanciamentu di a nova cintrali hè esattamenti u listessu cà ciò chì era autorizatu cù l'anziana cintrali. Calcosa chì ùn hè micca nurmali è chì l'associ ani rimarcatu di sicuru.
Steti à senta à Jean Nicolas Antoniotti, chì faci parti di u cunsighju d'amministrazioni di Qualitair Corse pà l'associ.
Sur le même sujet
