Centrale de Bastelicaccia : une victoire historique selon A Sintinedda
(A redazzioni d'Alta Frequenza) - L'associu A Sintinedda, n'emi dighjà parlatu a settimana scorsa, hà vintu inde l'affari chì l'uppunia à a prifittura di Corsica, inghjiru à l'arrestu prifitturali chì autorizava a stallazioni di a nova cintrali EDF nant'à u tarritoriu di Bastilicaccia. Rammintemi chì u tribunali amministrativu di Bastia avia asaminatu u 5 di farraghju scorsu a dumanda in annulazioni posta da l'associu, è hà dunqua datu raghjoni marti scorsu à iss'ultimu, ind'u so ghjudiziu difinitivu. Rammintemi dinò chì u rapurtadori publicu avia rilevatu inde l'arrestu prifetturali un viziu di prucedura, i furmalità chì duviani essa fatti prima à a qualificazioni di prughjettu d'intaressu ghjinirali essendu micca stati rispittati. L'associu aspittava da tandu di riceva a lettara cù a scrittura di a dicisioni di ghjustizia, nanzi di cumunicà di manera ufficiali, ciò chì hè fatta oramai. Una scrittura chì susteni frà altru l'esistenza di un errori matiriali avendu pà effettu d'ingannà u publicu pà ciò chì tocca à a cunsistenza vera di u prughjettu, publicu avendu dinò micca pussutu pighjà cunniscenza di issu stessu prughjettu sicondu u tribunali amministrativu. È pà Dominique Lanfranchi, si tratta quì di una dicisioni demucratica, sinonima di "vittoria storica contr'à u Statu è EDF".
Écoutons le président d’A Sintinedda, qui nous confirme par ailleurs ses inquiétudes quant au projet Cyrénée ainsi que celui de la centrale de Lucciana.
Sur le même sujet
