Centrale de Bastelicaccia : petite victoire pour A Sintinedda devant le tribunal administratif
(A redazzioni d'Alta Frequenza) - Un'annulazioni tutali o parziali, è què par raghjoni di legalità interna ! Hè u sensu di i cunclusioni di u rappurtadori publicu inde l'affari chì upponi l'associu A Sintinedda à a prifittura di Corsica. Si tratta ben intesu di l'affari di l'arrestu prifitturali chì autorizeghja a stallazioni di a nova cintrali EDF nant'à u tarritoriu di Bastilicaccia, un cartulari chì hà evuluatu assai i mesi passendu è cù l'annunzii cuntradittorii à spessu, è chì era torna davanti à u tribunali amministrativu arimani (marti). A dumanda in annulazioni hè dunqua stata asaminata, è pari chì u rappurtadori publicu avissi ascultatu A Sintinedda, postu chì iss'ultimu hà rilevatu inde l'arrestu prifetturali un viziu di prucedura, i furmalità chì duvariani essa fatti prima à a qualificazioni di prughjettu d'intaressu ghjinirali essendu forsa micca stati rispittati. Una piccula vittoria pà l'associu, chì cunnosciarà a dicisioni difinitiva di u tribunali amministrativu u 19 di farraghju.
Écoutez Dominique Lanfranchi pour l'Association A Sintinedda, qui revient sur les fondements de cette affaire.
Sur le même sujet
