Cavru : rinasci a Cunfraterna di a Santa Croce di u Prunelli
(Michaël Andreani - Alta Frequenza) - Dopu à più di 70 anni di sonnu, a valli di u Prunelli hà da ritruvà una prisenza di cunfraterna liturgica è caritativa pà fà rinascia azzioni suciali è fraterni, à u lumi di a fedi cristiana. Ci sarà oghji (sabbatu) à 5 ori è mezu in ghjesgia Santa Barbara di Cavru a cirimonia di vistitura di a Cunfraterna di a Santa Croce di u Prunelli. Trè centu parsoni à u minimu sò aspittati pà l’intrunizazioni ufficiali, mentri chì a messa sarà cantata da calchì membru di I Voci di a Gravona è parechji cantadori di cunfraterni di u rughjonu.
Un evenimentu maiò à u mumentu induva a sucità corsa perdi à pocu à pocu u so sensu è a so essenza prufonda, com’ellu a ci dici u priori di a Cunfraterna di a Santa Croce di u Prunelli, Nicolas Cyrille.
Sur le même sujet
