Catastrophe de Furiani : Le livre de la mémoire
(A redazzioni d'Alta Frequenza) - Lacà una traccia scritta da fà chì ùn si smintichessi mai u scempiu di a catastrofa di Furiani è tutti u dulori inghjinnatu, hè u scopu di "Furiani : 20 ans". Issu libru di tistimunianzi hè statu scrittu di modu sanu da ghjurnalisti di l'Unioni di i Ghjurnalisti di Sport in Francia sizzioni Pruvenza, è tratta tistimunianzi purtatrici di struzzioni è d'emuzioni. Famighji di vittimi, ghjurnalisti, ghjucadori, allenatori, dirighjenti, eletti è medichi di l'epica si mettini à palesu. I benefizii di issu libru sarani rivirsati sani sani à l'uspidali di Corsica è di Marseghja da cumprà letti medicalizati. Quissu quì hè in vendita frà altru à a butteca di u Sporting, è ind'è parechji lochi di vendita in Corsica, cù una lista chì si pò truvà nant'à u situ http://www.furiani20ans-lelivre.fr
Sur le même sujet
