Castellucciu : "A Manca Naziunale" dénonce un "plan de rigueur"
(A redazzioni d'Alta Frequenza) - « A Manca Naziunale » s’impenserisci è s’indegna, di fronti à i conti futuri di l’Uspidali Psichiatricu di Castellucciu. Di fattu, i previsioni di l’Aghjenzia Rughjunali di Saluta s’assumiddani à un pianu di rigori finanziariu, da l’avvisu di l’entità pulitica.Sustinutu da a sezzioni STC di l’uspidali Aiaccinu, A Manca dinunzieghja, in un cummunicatu di stampa issu Ghjovi, un’imputazioni à i conti glubali di sommi impurtanti, è u ricusu di finanzà travaghji strutturanti di primura. Hè ancu privistu in issu pianu di rigori u non-rimpiazzamenti di u Direttori di u stabilimenti, è a numinazioni d’un direttori interimariu.U STC di Castelluciu chjama à una replica ferma, è ricusa tutt’idea di fusioni di l’uspidali di a Misericordia incù l’antenna psichiatrica. « A Manca Naziunali » chì compia u so cummunicatu fendu rifarenza à i prussimi alizzioni municipali, è annunzia chì a difesa di u serviziu publicu uspidalieri sarà in cori à a camapagna d’issi prossimi mesi.
Sur le même sujet
