Carte Ritirata : du positif pour le STC
(A redazzioni d'Alta Frequenza) - L'Assemblea di Corsica hà aduttatu ssu vennari dopu meziornu, cù una maghjurità di 27 voti, u raportu nant'à a famosa carta di riduzzioni nant'à i trasporti. Un raportu, fruttu di a cuncertazioni trà l'Assemblea di Corsica, l'Uffiziu di i trasporti di a Corsica è l'urganisazioni sindicali. Ssa famosa carta, ditta "ritirata", sarà attribuita da a CTC à i ritirati chì stani in Corsica. Quissa quì, ed era l'ughjettu di u dibattitu di u ghjornu, sarà distribuita di pettu à un nivellu massimu di rivinuti, 50% di riduzzioni pà 50% di i ritirati, eccu u filu chì hà inghjinnatu l'elaburazioni di ssu dispusitivu. L'equità inveci di l'ugualità dunqua, una visioni di i cosi chì cunveni à i sindicati STC è CFDT.
Steti à senta à Jacky Rossi pà u STC di i ritirati.
