Carré d'Art : Réouverture de la boutique éphémère des Métiers d'Art à Ajaccio
Marti, hè riaparta a butteca à curtu andà « Carré d’Art », in Aiacciu.
Par u sicondu annu di fila, u cullittivu « Métiers d’Art Corse » rimetti a so butteca in u centru cità.
Quist’annu, sò un quindici d'artisgiani à essa ci prisenti. Cù iss’apartura, veni quant’è una ripresa di fiatu, dopu à un tempu llu ritiru chì, par disgrazia, pudaria ancu avè lacatu calchì mucatura in lu mondu artisticu è artisgianali.
« Carré d’Art » ripidda dunqua a so attività sinu à a fini di sittembri, da cuntintà un publicu chì riscopri i so artisti.
Steti à senta à Marie-Christine Marovelli, a tisurieri di l'associu « Métiers d'Art Corse ».
Issu prughjettu di butteca à curtu andà hè statu sustinutu è bè da a M 3 E, a Cità d'Aiacciu è a CAPA, in lu quadru d’una stratigia glubali par ridinamizà u centru lla cità.
Par Marie-Antoinette Santoni-Brunelli, a prisidenti lla M 3 E, l’ughjittivu hè di circà à rimetta à paru l'attrattività cumirciali trà centri è pirifirii.
Ci voli tandu à difiniscia una stratigia spicifica à u centru cità d'Aiacciu, aiutendu a rilancia ecunomica d’un sittori chì s’impetta à difficultà grevi.
Steti à senta à Marie-Antoinette Santoni-Brunelli
