Carence de soignants, tensions sur nos hôpitaux : les médecins corses alertent
A CSMF di a Corsica hà scrittu à u ministru lla saluta, par dì li u so pinseri par ciò chì tocca à l’accessu à a midicatura è à a presa in carica di l’aienti, masimu in i sirvizia d’urgenzi lli spidala.
« Malgradu i nosci tanti avirtimenta, trattendu si di i difficultà di i risorzi umani, i spartitempa midicali ùn sò cumpletti à l’urgenzi d’Aiacciu.
Si n’hè chjamatu à i medichi libarali isulani. Com’è in i tempa lla crisa sanitaria, urganizighjani a pirmanenza di i curi, masimu in i casi midicali di guardia, si mubilizighjani in i so cabinetti da risponda à i curi ch’ùn erani privisti è à i bisogni lla pupulazioni, pà a statina è ancu di più ».
« Iss’impegnu tarrituriali, chì vo’ aveti mintuvatu, ùn hè ancu rivalurizatu, è sdici cù ugni forma di riquisizioni », spiecani i medichi, chì aspettani « suluzioni nuvativi è cuncreti di rivalurisazioni è d’attrattività ».
« Par ciò chì tocca à i suluzioni nuvativi, travaddemu chì sò parichji mesa à a criazioni d’un Centru Uspitalieri Righjunali Universitariu, liendu ci u publicu è u privatu. In Corsica, cù a noscia isulanità, u nosciu statutu d’isula muntagna è a noscia pupulazioni vechja, u medicu di famidda t’hà una impurtanza trimenda ch’iddu ci voli à mantena », dici in chjudenda u cumunicatu.
Sur le même sujet
