Cambriolages en plaine orientale : prison ferme pour trois jeunes hommes
(A redazzioni d'Alta Frequenza) - Trè ghjuvanotti sò stati cundannati ssu luni da u tribunali currizziunali di Bastia à a prighjoni, dopu à novi arrubecci in parechji casi di Casinca è di Costa Verde trà u 28 di farraghju è u 3 di marzu. Soldi è ghjuvelli sò stati arrubati. Unu hè statu cundannatu à 24 mesi di prighjoni frà i quali 6 attimpati è i dui altri à 18 mesi frà i quali 6 attimpati. Stani imprighjunati. Dui donni, cumpagni di dui privenuti, ani presu un annu attimpatu è 5 000 auri d’amenda. Tutti ssi parsoni, d’una vintina anni, di naziunalità taliana, erani stati arristati in fin di simana scorsa da i gendarmi.
