Cadavre du Lancone : un homme mis en examen pour meurtre et actes de barbarie
(A redazzioni d'Alta Frequenza) - L'affari di u cadavaru di u Lancone avanza. In fatti, dopu a rivelazioni di l'identità di a vittima, José Vicente Garcia, un omu hè statu missu in asamini ssu marti da a pricura di Bastia pà umicidiu cù prima, duranti o dopu atti di turtura o di barbaria. Gérard Giorgetti, marsighjesu di una cinquantina d'anni, stallatu dipoi quattru anni in Corsica è missu in asamini pà ss'umicidiu, saria tandu in statu di recidiva legali sicondu u sustitutu di u prucuratori di a Republica di Bastia, Vanina Lepaul-Ercole. In fatti, u missu in asamini hè statu cundannatu u 24 di ghjunghju di u 1989 à dodeci anni di prighjoni pà l'umicidiu di una ghjuvanotta in Toulouse. Quissu quì nega i fatti chì li sò rimpruvarati.
Steti à senta u culunellu Jean Philippe Reiland, cumandanti di a sizzioni di ricerca di a gendarmeria chì volta in ditagliu nant'à l'affari.
Sur le même sujet
