CAB : François Tatti retire leurs délégations aux vice-présidents dissidents
(A redazzioni d'Alta Frequenza) - Ssu 31 di dicembri, in a Cumunità d'Agglumerazioni di Bastia, François Tatti, u so presidenti, hà annunziatu ch'ellu hà cacciatu i dilegazioni di l'ottu vici presidenti chì ani signatu a lettara dumandendu l'urganisazioni di un cunsighju cumunitariu strasurdinariu da fà chì Julien Morganti è Françoise Vesperini, tinenti di François Tatti, ùn sighini più vici presidenti, è di ristringhja propiu i puteri di u presidenti di a CAB. François Tatti annunzia dinò chì ssu cunsighju cumunitariu strasurdinariu si tinarà à a fin di ghjinnaghju dicendu ch'ellu ferma "dispunibuli pà u dialogu pà difiniscia una guvernenza rinuvata è equilibrata inde l'intaressu di l'abitanti". Una dicisioni chì s'assumighja à un ultimu ghjiru d'unori pà François Tatti, postu chì à a fin di ghjinnaghju, u cunsighju cumunitariu duvaria validà fora di una surpresa incridibuli u ritiru di guasgi tutti i so puteri, essendu cundannatu quì o à demissiunà, o à una presidenza senza utilità è piuttostu pà l'unori.
Sur le même sujet
