Budget primitif de la CAB : le regard de Francis Riolacci
(A redazioni d'Alta Frequenza) - A Cumunità d'Agglumerazioni di Bastia hà aduttatu u so bughjettu primitivu 2017 in fin di simana scorsa. Cù 56,2 millioni d'auri di spesi, frà i quali 8,5 millioni didicati à u pianu pluriannuali d'investimentu, quissu quì voli essa più ambiziosu. Malgradu tuttu, a CAB hà pruvisiunatu 1,1 millionu d'auri pà pudè anticipà una crisa di i rumenzuli duranti a statina, mentri chì u stadiu Armand Cesari chì farà l'ughjettu d'un millionu d'auri di travaghji d'intrattenu, vedi u so pighjunanti maiò, u SC Bastia, avè calchì ritardu inde u rigulamentu di a so cunvenzioni d'occupazioni sicondu a CAB. Pà ciò chì tocca l’uppusizioni, u bughjettu primitivu di a CAB hè stata asaminatu cun intaressu. S’è tuttu ùn hè micca neru, Francis Riolacci s’intarrugheghja quantunqua nant’à l’avvena di l’azzioni di a CAB cù a calata di i mezi arricati da u Statu, è nant’à una mancanza di visioni à longu andà.
Steti à senta à Francis Riolacci.
Sur le même sujet
