BTP Portivechju: ça coince et ça grogne !
(A redazzioni d'Alta Frequenza) - Una fila senza fini, u corsu Nabuliò bluccatu, si pò dì chì l'associu di difesa di l'intaressi cullettivi di l'intraprenadori di a custruzzioni hà riisciutu a so uparazioni di sinsibulisazioni. Partuta da Portivechju in principiu di matinata, a longa manifestazioni di camiò, d'arnesi d'intrapresa è d'autocars hè ghjunta in Aiacciu versu 11 ori (vennari). Hè stata autorizata à staziunà fin'è davanti a prifittura, mentri chì una dilegazioni era ricivuta da u prifettu di Corsica. I rivindicazioni di u cullettivu sò cunnisciuti dipoi un pezzu, in tutti i casi dipoi l'annulazioni di u PLU di Portivechju dui anni fà oramai. L'attività ind'u settori hè calata di sicuru di manera significativa ind'u rughjoni, ciò chì spieca l'inchietudini di u settori chì raprisenta nant'à ssa cumuna sola più di 1500 impiechi diretti.
Steti à senta à Antoine Stromboni, pà l'associu di difesa.
Sur le même sujet
