Braquages à Bastia : un jeune homme mis en examen
(A redazzioni d'Alta Frequenza) - Dopu à dui settimani d'inchiesta, un omu hè statu missu in asamini arimani (ghjovi) in Bastia pà parechji arrubecci armati ind'u rughjoni bastiacciu iss'ultimi ghjorni. Karim Zeggai, 19 anni, era statu arristatu marti è missu in guarda custodia. Hè statu prisintatu à u magistratu struttori issu ghjovi, è avaria ricunnisciutu, sicondu l'inchiestadori, trè di i sei arrubecci rializati minaccendu a ghjenti cù una cultella in Bastia. Sicondu u ministeru publicu di Bastia, u ghjuvanottu era cunnisciutu da i servizii di pulizza è era dighjà statu cundannatu tempi fà.
Sur le même sujet
