Boxe : Gala du Ring ajaccien ce samedi à Ajaccio
(A redazzioni d'Alta Frequenza) - Vintisei anni dopu, u Ring Aiaccinu volta nant'à a scena è urganizeghja u so galà in u cumplessu Pascal Rossini ssu sabbatu u 30 d'aprili à 2 ori. 10 cumbatti amatori è assalti di boxe educativa pà u ritornu di u club com'è urganizatori. U club storicu d'Aiacciu hà cuntinuatu à travaghjà quantunqua duranti tutti ss'annati : scola di boxe, apartura di una sizzioni feminili è di sicuru furmazioni di i cumpetitori d'altu nivellu.
Prisintazioni di a manifistazioni è ritornu nant'à a storia di ssu club miticu cù Thomas Brunelli, u presidenti di u Ring Aiaccinu.
