Borgo : un exercice nombreuses victimes sur fond de simulation d'attaque
Ghjovi sinu à trè ori llu dopu meziornu, hè statu urganizatu un eserciziu da a prifittura di Corsica, à torru à u cumplessu spurtivu di Borgu.
Si tratta chivi di a simulazioni d’un attintatu, è più pricisamenti d’un accidiu di massa.
Dici a prifittura ch’iddi si pudariani senta cartucciati à biancu longu à iss’eserciziu, è dumanda dunqua à a pupulazioni di tena ni contu, è d’ùn averta in darru i succorsi.
À 9 ori è 27, parichji dicini di parsoni sò presi da ustaghji in u cumplessu spurtivu di Borgu.
Hè tandu nicissaria di mubilizà a BRI, i forzi d’intarvinzioni di a ciandarmaria è i succorsi.
Po’ hè datu l’assaltu, è parichji parsoni sò ferti.
Ùn si tratta chivi chè d’un scinariu, è si spera d’ùn veda lu à veru, ma ci hè quantunca a nicissità d’appruntà si.
Sò stati dunqua mubilizati, ghjovi in Borgu, forzi di l’ordini è succorsi in quantità pà iss’eserciziu. Parsunala à dicini, falsi vittimi, falsi tarruristi da valutà a capacità di risposta è veda ciò chì ùn hà viaghjatu, da pudè curreghja è middurà.
Steti à senta à Michel Prozic, u prifettu llu Cismonti.
À u SAMU, l’hè tuccata à fà a distribuzioni di i finti ferti, trà quiddi in urgenza assuluta è quiddi in urgenza rilativa.
Steti à senta à Florent Lothe, medicu urgintistu di u SAMU di u Cismonti.
Pà i spinghjifoca, hè stata nicissaria d’arrigulà a cuurdinazioni di tutti i intarvinanti chì, in issi circustanzi, i succorsi ùn ani u drittu d’entra in certi i zoni.
Steti à senta u culineddu Clément Préault, u dirittori aghjuntu di u SIS di u Cismonti.
