Blocage du Crous à Corte : certaines avancées obtenues par la Ghjuventù Paolina
(A redazzioni d'Alta Frequenza) - U sindicatu studientinu Ghjuventù Paolina hà bluccatu ssu luni da mani l'intrata di u Crous di Corsica in Corti. Ramintemi chì a GP hà vulsutu manifistà a techja di studienti numarosi di l'Università contr'à ss'urganisimu è mediatizà parechji prublemi chì sariani cunnisciuti solu soca da u mondu studientinu. Apartura di u Crous solu cinqui mezi ghjurnati à simana, sarratura di u risturanti universitariu a sera è duranti una parti di i vacanzi, pighjò cacciati senza chì a borsa sighi stata virsata à u studienti, nisun riunioni di u Cunsighju di i Residenzi dipoi dui anni : u troppu stroppia pà a Ghjuventù Paolina chì hà dicisu d'agiscia. Certi avanzati sariani stati uttenuti, com'ellu a dici u presidenti di a GP. U presidenti di u Crous, Alain Cordina, hà ricusatu di parlà à u nostru microfonu. Avanzati chì sò stati cunfirmati da a direzzioni di l'urganisimu, malgradu u fattu chì ss'ultima ùn si muvissi tantu pà cumunicà nant'à quistioni difficiuli.
Steti à senta à Pierrick Nannini, u presidenti di a GP.
Sur le même sujet
