Bilan incendies très positif en Haute-Corse
(A redazzioni d'Alta Frequenza) - A prifettura di Corsica Suprana, in cumpagnia di i spinghjifochi di u dipartimentu, hà fattu u bilanciu di a staghjoni 2012 di i fochi in Cismonti. Un bilanciu daveru pusitivu. Da u 1a di ghjinnaghju à u 30 di sittembri, 346 fochi si sò dichjarati contr'à 396 annu, mentri chì 440 ettari ani brusgiatu, un sciffru assai di sottu di pettu à u 2011, chì era di 1185 ettari. Un bilanciu qualificatu di rimarchevuli, par via d'appressu à u prifettu à parechji affari. Prima, u dispusitivu di 500 spinghjifochi missu in ballu, chì hà parmissu di luttà à lestra è cun efficacità contr'à i fochi, ma dinò a sinsibulisazioni di a pupulazioni chì pari avè viaghjatu. A cellula d'investigazioni pulizzera pà contu soiu, hè stata attiva 36 volti nant'à fochi à i causi suspetti. Un puntu neru ferma, quillu d'Oletta cù 26 fochi chì ci sò partuti, ma quì dinò u prifettu hè suddisfatu di a manera chì u cartulari hè statu gistitu. Staremi à senta nant'à issu sughjettu u prifettu di Corsica Suprana, Louis Lefranc, ind'i nostri nutizali à vena.
Sur le même sujet
