Bilan feux de forêt 2023 en Haute-Corse : moins de surface brûlée, mais des interventions toujours aussi fréquentes
Marcuri, i sirvizia di u statu è u SIS llu Cismonti ani fattu u bilanciu di a campagna di i foca di furesta pà u 2023 in u dipartimentu.
Sò picciati 261 ettari, è ci sò stati 132 intarvinzioni. Hè menu chè annu, ma a cadenza di i partenzi di foca, d’urigina umana par novi volti à nantu à deci, hè alta sempri.
Dui foca solamenti ani cursu par deci ettari è più. Veni missa in risaltu cusì a riescita di u dispusitivu di pettu à i foca à pena cumenci. Issu dispusitivu, cumplessu è efficaci, hè unicu in francia, à senta ni u prifettu llu Cismonti.
A reti chì lia i mezi lucali, naziunali è i intarvinanti sterni à i spinghjifoca avarà scuraghjitu i zingafocu ?
Steti à senta à Michel Prosic, prifettu llu Cismonti.
U SIS2B faci rimarcà ch’idda hè stata difficiuli quantunca a staghjoni, parvia di a cadenza di i intarvinzioni. Senza cuntà chì l’invernu, sò uni pochi d’anni ch’iddu ùn hè più periudu di tranquillità.
Tandu, cù i so soli è soliti mezi, à i spinghjifoca llu Cismonti l’hà da tuccà à stà si ni innanchittati.
Steti à senta u cumandanti Pierre Pieri, dirittori di u SIS di u Cismonti.
Sur le même sujet
