Bilan 2014 correct pour la Chambre de Commerce et d'Industrie de Haute-Corse
(A redazzioni d'Alta Frequenza) - 1,84 millioni auri. Eccu ciò chì hè statu prilevatu annant'à a tisuraria di a Camara di Cummerciu è d'Industria di Corsica Suprana pà l'eserciziu 2014 in u quadru di un prilevamentu di 500 millioni d'auri rializatu annant'à i tisurarii di tutti i CCI di Francia da u Statu. È ss'affari annigrisci un bilanciu 2014 abbastanza bonu pà a CCI supranaccia. S'ella hè custatata una calata di u trafficu marittimu, soprattuttu par via di l'evenimenti di a SNCM, u trafficu aereu cresci pà contu soiu in Bastia è in Calvi. Malgradu tuttu, ùn si tratta micca d'avè previsioni troppu uttimisti, postu chì Calvi pati par asempiu pà ssi vacanzi 2015 di un disertu annant'à i ligni alimani, assicurati da a cumpagnia Germanwings chì com'è tuttu u mondu a sà hà vistu unu di i so avviò scrasassi inde l'Alpi dopu à un'uparazioni suicidiu di un cupilotu. À u nivellu di l'azzioni, a CC2B hè fiera d'aiutà intrapresi numarosi, cù par asempiu 2,5 millioni annant'à una centina d'imprestiti bunificati chì sò stati accurdati è cù a CCI chì assumi una parti di a carica. Oramai, sò i BTP chì cuncentrani i sforzi di a CCI, par via di i difficultà di più in più maiò di u settori.
Steti à senta à Paul Trojani, u presidenti di a CCI 2B.
