BD : A la découverte de la bande dessinée I Pumataghji, bienvenue en Keurse !
(A Ridazzioni d'Alta Frequenza) - Aspittatu, l'album è infini ghjuntu in libraria chì sò pochi ghjorna : Les touristes / I pumataghji. U primu librettu di a siria si chjama « Bienvenue en Keurse ». Hè un librettu fattu à parichji tarrocchi, chì metti in scena i turisti i più scasciati suttu à l'ochja d'una famidda corsa chì u turismu li garba pocu, cù a so ghjunta subbitania di ghjenti tantu. Cacciati di a vita vera, caricatura di u pumataghju, è visioni satirica di a sucità corsa statinaghja.... I littori scuprarani i turisti in tong à nantu à u GR20, i pancarti di signalisazioni tafunati, i rinaghji d'Aiacciu è Portivechju, a Citadella di Corti, l'Agriati, i scali d'Aragonu è a Donna di Bonifaziu, è ancu l'abitanti d'un paisuchju chjamatu Chirisa, in Corsica, ma induva ùn si sà... Sempri ridindu è senza gattivezza, hè da piddà à u sicondu o terzu gradu. A scopra ind'è i libraghji cù i zifri di l'autori Bertocchini- Espinosa – Sayago, edizioni DCL
