Le Direct

Battista Acquaviva candidate pour représenter la France à l'Eurovision

(A ridazzioni d'Alta Frequenza) - È s’idda facia, a Corsica, un terzu passaghju à l’Eurovision, dopu à quiddu di Patrick Fiori in u 1993, è dopu à Amaury Vassili cù una canzona in lingua corsa in u 2011 ? Eccu a sfida nova di Battista Acquaviva. L’artista corsa hè di i diciottu artisti chì ani da participà, à u principiu llu 2019, à « Destination Eurovision », l’emissioni missa in ondi da annu da france 2, da silizziunà u candidatu lla francia pà issu cuncursu. Battista Acquaviva hà da participà à una di i mezi finali, spirendu di qualificà si pà a finali. I voti llu publicu cuntarani, à ugni tappa, par 50 %. L’altri 50 % i darani ghjurati internaziunali, chì sarani cinqui in meza finali è deci in finali. A canzona di Battista Acquaviva, Passiò, hè stata scelta trà 1500 candidaturi. Ùn si cunnisciarà chè pà a meza finali. S’idda vinci, si n’andarà in TelAviv da riprisintà a Francia à u cuncursu di l’Eurovision.