Bastia : une marche des fiertés organisée ce samedi par l'Arcu
Sabbatu in Bastia, à parta si da cinqui ori di sera, ci hà da essa una « marchja di i fiertà », a prima in Corsica, urganizata da l’associu l’Arcu.
I parsoni LGBT+ è quiddi chì i sustenini ci ani da pudè fà valè u drittu à campà com’iddi sò, in u rispettu di ciò ch’iddi sò.
Si trattarà ancu d’aiutà à quiddi chì ùn s’ardiscini à campà libari com’iddi sò, da ch’iddi poschini truvà manera di francà u passu.
Da quand’idda hè stata annunciata issa marchja, currini i riazzioni pà issi reti suciali.
Ma hè serenu è dicisu à tempu chì l’Arcu s’impegna à appruntà a marchja d’issu sabbatu, chì puri issendu fistivi, hè chivi par dì ch’idd’ùn ci n’hè incumpatibilità à essa LGBT è corsu à tempu.
Steti à senta à Sylvère Maestrati, à nomu di l’Arcu.