Bastia : un magasin discount menacé de fermeture
(A redazzioni d'Alta Frequenza) - T'emi u dirittu di lacà corra l'intaressu di a pupulazioni pà a strategia cumirciali di i gruppi maiò ? Ùn hè micca un fundamentu di u cumerciu di risponda à un bisognu ? Si pò custruiscia un avvena pà i nostri zitelli è i nostri intraprenadori, quì, in Corsica, s'ellu s'accetta chì gruppi cumirciali maiò pudissini dicida di a sarratura di certi di i nostri intrapresi ? Eccu i dumandi posti da u rispunsevuli di l'insegna di discount alimentariu Ecodi, in i quartieri à u meziornu di Bastia. Ss'ultimu si ritrova oghji senza cuntrattu di furnitura di marcanzii è vedi dunqua a so intrapresa minacciata di sarratura, mentri chì a so attività discount viaghjava d'appressu à ellu fin'è tandu senza prublema. Lampa dunqua una chjama à a pupulazioni è à l'eletti par ch'elli studiessini ssa prublematica.
Steti à senta à Jean Michel Vivoni.
