Bastia : passe d'armes autour du plan local de l'habitat en conseil municipal
In fin’di sittimana, in Bastia, si sò imparullati bè François Tatti è Pierre Savelli, mentri u cunsigliu municipali.
A liti tuccaia à u pianu lucali lla cumunità d’agglumirazioni bastiaccia pà u periudu 2020-2032, è chì ugni cumuna ni devi fà validazioni.
Innanzi ch’idd’ùn s’affacchi, da quì à calchì sittimana, u dibattitu pà u PLU, issu pianu lucali porghji, à senta ni a maiurità, i suluzioni da cunfruntà si a i cresciti lla pupulazioni.
Ma i sciffri pruposti ùn sò piaciuti : a pussibilità di custruì 1500 alloghja à nantu à 40 ettari classificati par avali in ESA ani invispitu l’uppusizioni chì, à senta ni u merri, torci i fatti è i sciffri à modu soiu.
Steti à senta à Pierre Savelli.
François Tatti, iddu, parla d’una strada spiculativa, à contrasensu di i intinzioni annunciati pà l’agricultura da Gilles Simeoni, mentri a campagna lli tarrituriali.
L’affari ùn sò beddi chjari, dici François Tatti, par ciò chì tocca à a manera di rimpattà issi spazia strategichi agriculi, chì i pussibilità sò pochi, in Bastia.
L’uppusizioni bastiaccia, vali à dì « l’Unioni Par Bastia » di François Tatti è « Un Futur Pour Bastia » di Julien Morganti, hà vutatu contru à issi pruposti.
Steti à senta à François Tatti.
Sur le même sujet
