Bastia : les projets Aldilonda et Mantinum présentés en conseil de quartier
(A ridazzioni d'Alta Frequenza) - A sittimana scursa, ci hè statu u cunsigliu di quartieri llu Vachju Portu, in Bastia. Ed hè in issu mentri chì u merri Pierre Savelli, è i so squadri, ani prisintatu dui cantieri di primura : unu, quiddu di u Mantinum, hè dighjà avviatu bè, quidd’altru, quiddu di l’Aldilonda, duvaria principià da quì à pocu. Pà u Mantinum, sò privisti un’accuncera impurtanti lla calata miridiunali llu Vechju Portu, a rialisazioni- privista nanzi à l’istati - d’un ascinsori par cuddà sinu à a Citadella, è un tiatru di virdura da suttu à u museu di Bastia. Pà l’Aldilonda, issu veru ponti appiccatu à i rampali lla Citadella duvaria permetta a rialisazioni di l’ultimu pezzu lla via calma, chì asisti dighjà in parti da Toga à a marina, è da u tunellu à l’Arinella.
Issi cantieri sò à veru impurtantissimi, di gran’primura pà a mirria, è a ci spieca Pierre Savelli.
