Bastia : le spaziu Roger Poggi dédié au sport inauguré à Montesoro
Sabbatu in Montesoru, a Cumunità d’agglumirazioni bastiaccia hà fattu l’inaugurazioni di u spaziu Roger Poggi.
L’affari hè custatu 950 000€, finanzati in maior’ parti da a Cullittività di Corsica è da u statu. Hè cumpostu d’un tarrenu multisport, d’attrazzaturi di fitness à l’apartu, è di dodici tarreni di bocci.
Issu spaziu, chì u so accessu ni sarà libaru, hà da vena in cumplementu di a sala Pepito Ferretti vicina. Pà a CAB, hè un passu in più in a rimissa à liveddu di l’attrazzaturi spurtivi di i circondi, avviata chì sò dighjà uni pochi d’anni.
A prossima volta, tuccarà à l’Arinella à binifizià di travaddi di rinuvera.
Steti à senta à Louis Pozzo di Borgo, u prisidenti di a CAB.