Bastia: u Pianu d’Accunciamentu è di Sviluppu Duratoghju hè statu dibatuttu in u cunsigliu municipale
Marti in Bastia, a maiurità hà prisintatu in cunsigliu municipali u PADD, vali à dì u Pianu d’Accunciamentu è di Sviluppu Duratoghju.
In stu PADD, si hè passatu da 900 ettari custruttibili à 700. I 200 ettari cacciati duvariani essa attribuiti à l’agricultura, o à a missa in anda di « pulmoni verdi ».
Altru puntu di primura, l’alloghju. Parvia di a crescita lla dimugraffia, a mirria si dà par ughjittivu di prupona 350 alloghja novi à l’annu. Un terzu di quissi duvariani essa didicati à a prima accissioni, è à bon’pattu.
Steti à senta à Paul Tieri, quartu aghjuntu in carica di l’Accunciamentu duratoghju è di a pianificazioni strategica.
Pierre Savelli si filicitighja d’issu pianu, è scanta senz’altru i rimprovari di l’uppusizioni.
Steti à senta i spiicazioni llu merri di Bastia.
L’uppusizioni dici ch’issu PADD ùn hè cusì cuncretu, è chì l’uriintazioni agricula hè un neci, postu chì i pruposti pà l’urtulimi sò pochi è micca.
Steti à senta à François Tatti.
Pà Julien Morganti, issu PADD hè più invintariu chè veru pianu di sviluppu.
Steti lu à senta.
Sur le même sujet
