Bastia : le nouveau visage piéton du vieux port inauguré
Luni, à l’affaccà di a San’Ghjuvanni, si hè fatta l’inaugurazioni ufficiali di u visu novu llu vechju portu di Bastia.
Pidanti in tuttu oramai, hà ritrovu dipoi uni pochi di ghjorna a so piazza Pouillon viota di i vitturi chì ci staziunaiani ùn sichi chè un annu fà, lachendu oramai a piazza à una rimpianata à forma d’anfiteatru.
Hè un prughjettu di primura pà a mirria di Bastia : hè custatu deci miliona è mezu, è par fà lu a cità hè stata aiutata da u statu, da a cullittività di Corsica è da a cumunità di i cumuni di Bastia.
Ben’ch’iddi sichini stati impinsiriti certi cumircianti è abitanti, masimu parvia di i piazzi di staziunamentu cacciati, a cità di Bastia hà vulsutu dà una virsura più maritarrania à u so vechju portu.
Steti à senta à Pierre Savelli, u merri di Bastia.
L’architettu, Michel Puccini, hà dittu ch’issu prughjettu daghjia a pussibilità di turrà à apra si à u mari, masimu cù iss’anfiteatru di pettu à a Turchina.
Mineralità, arburatura è arburi chì crescini prestu sò chivi par dà fiatu è rispiru à u locu.
Steti à senta à Michel Puccini.
Sur le même sujet
