Bastia : le groupe médical Maymard pourrait être repris par un groupe médical français d'envergure
U gruppu Almaviva Santé hà dittu ch’iddu niguziaia cù a famidda Maymard, pà a ripresa d’issu gruppu midicali bastiacciu chì conta a puliclinica Maymard, i clinichi Filippi è Zuccarelli, u centru di dialisa Sainte Catherine è un polu d’uspitalisazioni in casa.
Almaviva Santé voli « purtà à i stabilimenta llu gruppu Maymard è à i pazienti corsi a so spirtizia midicali è a so capacità d’invistimentu è sviluppu, da rinfurzà l’ufferta di saluta in Cismonti, in associu cù u spidali publicu » dici Yann Coléou, u prisidenti llu gruppu.
In quantu à Lizy Maymard, dici chì « iss’avvicinata cù Almaviva hè guaranzia da assicurà a perennità llu gruppu Maymard è quidda lli poli d’eccelenza di u nosciu tarritoriu di saluta ».
Issa pirspittiva ùn cunveni à Femu a Corsica, chì « s’upponi cù forza à u fattu ch’un gruppu frusteri, prupriitariu di 17 stabilimenta in u Meziornu è 19 in i circonda parigini, posca tena, cù issa comprita, una piazza maiori in lu sittori lla saluta, in Bastia è in Corsica ».
Femu dumanda ch’iddi sichini impiditi i transazzioni com’è quissa, è dinuncia « una logica pridaghja, missa in anda da gruppi frusteri, chì hè una minaccia pà u sittori lla saluta, par quiddu medicusuciali è pà l’aiutu à i nosci vechji ».
