Bastia : la rénovation de la caserne des pompiers inaugurée
Dopu à un annu di travadda - passatu in Furiani - i spinghjifoca di Bastia sò pussuti turrà in a so caserna, ch’innanzi à issa rinuvera cuminciaia à senta u pesu di l’anni, dipoi a so apartura in u 1995.
Sabbatu, à tempu à l’inaugurazioni, si hè resu umaghju à Marc Orsini, issu spinghjifocu mortu u 29 di marzu di u 1991, parvia di a splusioni d’un ballonu di scalda acqua, in una caserna vechja è bisvechja di tippu Pailleron.
U bastimentu custruitu in u 1995 dopu à (è parvia di) issu drama era invichjatu, è era ancu duventu pocu sanu.
Ci sò vulsuti 1,6 miliona di travadda par dà à issu bastimentu a pussibilità di middurà a qualità di vita di i suldati di u focu, è par accuncià i diversi parti di a caserna tinindu contu di a sicurità.
Hè statu un invistimentu di pimura pà u SIS llu Cismonti, chì hà da cuntinuvà à avvià u so prugrama di custruzzioni è rinuvera di i caserni.
Steti à senta à Hyacinthe Vanni, à nomu di u SIS llu Cismonti.
U capitanu José Mariani, chì hè in postu chì sò parichji mesa, hà ufficializatu a presa di cumandu d’issu centru di succorsu.
Dopu essa passatu in parichji i caserni di u Cismonti, volta in Bastia u capitanu par dirighja i circa 170 spinhjifoca (67 prufiziunali è 101 vulintarii) d’issu centru.
Cù issa rinuvera, si hà da pudè travaddà in cundizioni middurati, hà dittu José Mariani chì no’ stemu à senta.
Sur le même sujet
