Bastia : la question des meublés de tourisme au centre des débats
Ghjovi in Bastia,in cunsigliu municipali, una muzioni di u gruppu Unione Pè Bastia di Jean-Sébastien de Casalta hà iniziatu un dibattitu, avviatu aghjà in a cumunità d’agglumirazioni : quiddu di l’appartamenti mubulati di turismu.
L’ultimi statistichi ni contani 759 in Bastia, è pesani di manera nigativa à nantu à u marcatu di i pighjoni à l’annata. Pudariani ancu cambià u visu di i quartieri pupulari di centru cità.
Com’idda hè ditta in a muzioni, è comu idda a dici ancu a maiurità municipali, situazioni altri, più o menu boni, ci n’hè quantunca, ma hè ora d’impignà si à veru par trattà issu prublema.
Quissu ingagiamentu l’hà presu a maiurità municipali bastiaccia, via un raportu chì si hè aghjustatu à u prugrama llu cunsigliu municipali, incù dispusitivi cuncreti chì sarani prisintati in li mesa à vena.
Issu tempu ci voli chì a maiurità ùn voli agì di manera pricipitata : in francia, i dispusitivi di parichji cumuni sò stati purtati davanti à i ghjuridizzioni amministrativi.
Steti à senta à Emmanuelle de Gentile, a prima aghjunta à u merri di Bastia.
L’uppusizioni, chì si rallegra di veda a maiurità piddà a stessa strada chè idda pà issu cartulari, hè inchieta quantunca, cù a paura ch’iddu ùn si stinzi troppu u tempu.
Steti à senta à Jean-Sébastien de Casalta.