Bastia : la première marche des Fiertés de Corse est un succès pour les organisateurs
Sabbatu dopu meziornu, in Bastia, più di 200 parsoni ani participatu à a prima Marchja di i Fiertà di Corsica. Purtata da canzoni fistosi, a filara di l’aienti hà avvintu i carrughji da u tribunali à u Vechju Portu, passendu pà a Marina par finiscia in Piazza San’Niculà.
Inquadrata da un dispusitivu pulizzieri impurtanti, a manifistazioni si hè fatta senza tanti disturbi, è hà pirmissu à i parsoni LGBT+ è à quiddi chì i sustenini di sprima a so vulintà di campà in Corsica libari d’essa com’iddi sò.
Un hè stata tantu suvitata da i pulitichi, issa marchja. Eppuri hè vista com’è un successu da l’associu l’Arcu, chì spera ch’iss’evenimentu aprarà a strada à d’altri.
Steti à senta à Livia Casalonga, à nomu di l’associu l’Arcu.
