Bastia : La préfecture de Haute-Corse, la Ville de Bastia et la CAB unies autour d'un contrat de relance du logement
A sittimana passata, a prifittura llu Cismonti, a cità è a cumunità d’agglumirazioni di Bastia ani signatu un cuntrattu di rilancia di a custruzzioni d’alloghji, in u quadru di u prugrama « france relance ».
U statu hà da invistiscia 456 000€ in 304 alloghji : hè a maior’parti di u prugrama d’alloghji privisti pà Bastia, è 40 di quissi sò alloghja suciali. I permessi si poni spona dipoi u 1u di sittembri passatu, è sinu à u 31 d’austu.
L’ughjittivu hè d’incuraghjì l’aienti à custruì in i loca aghjà urbanizati.
Par ugni alloghju criatu, un aiutu di 1 500€ pudaria essa datu. 500€ in più pudariani essa attribuiti à a criazioni di scagni o spazia cumirciali.
Steti à senta i pricisioni di françois ravier, u prifettu llu Cismonti.
A CAB hè intarissata bè da issu prugrama, chì permetti d’ammaistrà a criazioni d’alloghja à nantu à u so tarritoriu.
Steti à senta à Louis Pozzo di Borgo, u prisidenti lla CAB.
