Bastia : l'école Gaudin enfin inaugurée
Dopu à setti anni di travadda, uni beddi pochi d’attimpati è i costi in più chì ani fattu saltà u bughjettu sinu à ottu miliona è mezu, hè stata inaugurata a scola Gaudin in Bastia.
Ci s’ani dunqua da ritruvà oramai i ziteddi di CE2, CM1 è CM2 ch’erani scularizati sinu ad oghji à a scola Modeste Venturi, a scola di u Centru cusì cara à i bastiacci. Di fatti, i dui scoli si sò fatti una, a scola di u Centru ricivindu l’elevi da a materna à u CE1.
Ci sarà ancu chivi a ciucciaghja « Ciucciarella », ch’era in Citadella.
L’ultimu pianu di issa scola hà da essa cunsacratu à i scenzi è tecnulugii novi. L’elevi ci ani da pudè pruvà, in internu, a radiu è a televisioni.
Climatizatu, u stabilimentu avarà ancu a missioni di fà viaghjà u mischiu suciali.
Steti à senta à Pierre Savelli, u merri di Bastia.
Rémi-François Paolini, u rittori lla Corsica, era ancu iddu chivi à salutà a riapartura d’unu stabilimentu mudernu.
À parè soiu, u passu versu un gruppu scularu unicu spartu in dui siti hè statu francatu com’iddu ci vulia.
Steti à senta à Rémi-François Paolini.
Sur le même sujet
