Bastia : dixième édition pour la Spassighjata ce samedi
Sabbatu à sei ori di sera, si hà da fà a decima edizioni di a Spassighjata, a cursa à pedi in cor’di cità di Bastia.
Si ritrovani issa volta l’usi primi : a cursa, partita annu da a piazza San’Niculaiu, torra à parta da a piazza di u marcatu, ind’idda ghjunghjarà com’è di solitu.
À tutti quiddi chì ani da fà issa cursa – è sò uni beddi pochi, chì i numari pitturali sò passati in pochi ori – i so passi l’ani da purtà ancu in carrughju César Campinchi, innanzi à a rimissa di i truffei è à a solita sirata à u COSEC di u Fangu.
L’associu Mantinum, chì urganizighja a Spassighjata, si hè impignatu bè in l’urganisazioni, rinfurzendu a sicurità in i punti dilicati signalati l’anni scursi.
A circulazioni duvaria essa taddata calchì minuta in i carrughji maiori llu centru cità, è quissa, à certi parsoni l’annarba.
L’associu dumanda dunqua à i cunduttori cuncirnati di piddà si la cù a calma, masimu chì quist’annu, ùn sarà toccu u tunellu, è cusì pudarani passà è vena versu u Nordu o u Meziornu.
Steti à senta à Sébastien Graziani.
