Bastia : des rencontres pour l'insertion sociale et professionnelle ont eu lieu
In fin’di sittimana passata, à l’Alb’Oru, ci sò stati i scontri pà a insirsioni suciali è prufiziunali, sustinuti da a Cumunità d’Agglumirazioni di Bastia.
T’aviani par ughjittivu di fà ch’iddi sichini manenti aiuti è furmazioni par quiddi ch’avariani bisognu d’inserì si o di riinsirì si, qual’ch’idda sichi a so età.
Ma sò stati pà u più i ghjovani à dispiazzà si.
Ancu puri ch’iddi si cunnoschini i tanti attori, cù una ghjurnata cumpagna si facini i verghi da ch’iddi si poschini avvià pà u meddu i parsoni prisenti.
Steti à senta à Gilles Derosas, à nomu di a CAB.
À issa ghjurnata, era prisenti l’associu OPRA, chì s’impegna pà i quistioni di mubilità. Aiuta à quiddi chì circani à passà u permessu, à quiddi chì t’ani bisognu d’una vittura in imprestu, o ancu à quiddi chì t’ani un bisognu puntuali d’essa purtati in vittura à un appuntamentu, ùn sichi chè par circà un travaddu.
Steti à senta à Françoise Huguet à nomu di l’associu OPRA.
« L’Ecole de la Deuxième Chance » era ancu idda d’issu ritrovu.
Permetti à i ghjovani ch’ùn ani pussutu attaccà bè a so vita prufiziunali di ritruvà una strada d’avvena via i furmazioni.
D’altrondi, par deci parsoni chì ci si sò scritti, setti sò isciuti cù una insirsioni prufiziunali duratoghja.
Steti à senta à Paul-Turchi Duriani à nomu di l’E2C.
Sur le même sujet
