Bastia : coup d'envoi de la dernière saison culturelle avant la fermeture du théâtre pour travaux
Dopu à trè staghjoni disturbati da u COVID19, a cità di Bastia hà da ritruvà una bedda attività culturali.
Trentasei spittaculi ani da essa pruposti dirittamenti da a mirria, à u tiatru, à l’Alb’Oru è à u spaziu Sant’Anghjulu, è à quissi s’aghjustarani altr’è tanti pruposti sterni o fistivali.
Cù issa staghjoni culturali 2022 – 2023, si volta à a nurmalità, ma ùn hè par tantu, chì hè l’ultima di u tiatru di Bastia par parichji anni : tocca a riintruta llu 2023, sò privisti à u minimu trè anni di travaddi, par un costu di 27 miliona.
Hè un affari chì pesa aghjà à nantu à l’urganisazioni di i staghjoni à vena, com’idda a spieca Mattea Lacave, l’aghjunta à u merri di Bastia in carica di a cultura.
In quantu à a prugramazioni, trè vii sarani pruposti :
- Quidda di a musica, cù I Messageri, Attallà, Nicolas Torracinta, Daniel Vincensini è i Campagnoli pà a canzona corsa, è Jeanne Added, Boby Lapointe o ancu calchì opara pà a musica frusteri.
- Quidda di u tiatru cù Haroun, Maxime Gasteuil o Thomas N’Gijol pà u stand-up, è pruposti più classichi com’è « Les élucubrations d’un Homme soudain frappé par la grâce » di è cù Edouard Baer, « Le système Ribadier » cù Patrick Chesnais o ancu Cristina Reali chì purtarà u parsunaghju di Simone Veil.
- Quidda di u baddu infini, cù una riprisintazioni di « Casse Noisettes », missa in curigraffia da Bianca Li.
Comu accuncià una prugramazioni cumpagna ? Comu anticipà a chjuditura di u tiatru di Bastia ?
Steti à senta à Delphine Ramos, a dirittrici di l’affari culturali pà a mirria di Bastia.
Sur le même sujet
