Bastia Corsica 2028 : la candidature à la capitale européenne de la culture lancée
In u 2028, a francia è a ripublica Cecca ani da riceva u marcu « Capitali Aurupeana lla Cultura ».
Tandu, Bastia hà spostu ufficialmenti a so candidatura, chjamata Bastia Corsica 2028.
Issa candidatura, a sustenini a Cullittività è l’Università. Da accumpagnà iss’unioni, hè statu fattu un manifestu, ch’iddi ani signatu 500 parsoni : eletti, attori culturali o parsoni di a sucità ditta civili. Issu manifestu, l’ani signatu dinò tanti merra di Corsica, è ancu Laurent Marcangeli, u merri d’Aiacciu, è parichji artisti corsi o liati à a Corsica, com’è Thomas Dutronc è Thomas Ngijol.
À chjama a candidaturi si farà in principiu llu 2022, a prima silizzioni si farà in u 2023, è i cità chì ani vintu sarani cunnisciuti in u 2024.
Bastia, chì voli prisintà una candidatura aparta à u Tarraniu, ùn prupunarà strutturi novi, ma s’impignarà in a rinuvera llu teatru o u invistimentu llu cunventu di San’Francescu, à ribaldonu chì sò tant’anni.
Lià a Corsica tutta cù issa candidatura, sarà una manera di fà pesu di pettu à cità com’è Nizza, Clermont-Ferrand o Reims ?
Steti à senta a risposta di Pierre Savelli, u merri di Bastia.
A Cullittività di Corsica, idda, vidi chivi una pussibilità impurtanti di valurizà cultura è u patrimoniu.
Gilles Simeoni voli metta in risaltu u carattaru isulanu lla candidatura.
Steti à senta u prisidenti di l’esecutivu lla Corsica.
