Bastia célèbre Saint-Joseph
(A redazzioni d'Alta Frequenza) - Oghji (marti) Bastia hà da celebrà, com'è ogni 19 di marzu dipoi seculi è seculi, u so santu patronu, San Ghjiseppu, chì hè dinò u santu patronu di i travaghjadori. Una festa chì adunisci sempri assai mondu ind'u quartieru di u listessu nomi, duva aldilà di magnà i tradiziunali panzarotti, umaghju è devuzioni sarani resi à u santu patronu di Bastia cù parechji manifestazioni. Prima, hè a ghjesgia di u quartieru, una parochja custruita à u XVIIu seculu, chì hà da accoglia parechji messi, frà i quali a più impurtanti, cilibrata à 10 ori è 30 da u Vescu di Corsica, Monsignori de Germay. U mumentu forti di a ghjurnata sarà, com'è ogni annu, a prucissioni cù a statula di u santu patronu di a cità, chì hà da parta da u quartieru à 4 ori è 30 pà andà fin'è a catedrali Santa Maria, nanzi di vultà fin'è a ghjesgia di u quartieru di San Ghjisè duva un'ultima messa sarà cilibrata. François Dal Coletto, presidenti di a cunfraterna San Ghjiseppu, ci spieca tutta l'impurtanza di issi celebrazioni.
Ecoutez-le.
