Barrage Ligue 1 Toulouse - ACA : E parchi micca noi !
(A ridazzioni d'Alta Frequenza) - Fini d’una staghjoni di prima trinca pà l’AC Aiacciu, duminica in Tulusa. Pà issu sicondu scontru di sbarramentu da tuccà a Liga 1, partini l’aiaccini cù 3 marchi di ritardu. Hà da pudè ricuparà, Olivier Pantaloni, dui punteddi di a so difesa : Sainati, chì era suspesu dopu à ACA- U Havre, è Manuel Cabit, chì ritrova u tarrenu dopu à una ferta di longu andà à a cavichjula. Olivier Pantaloni duvaria fà principià issu scontru à unipochi di ghjucadori menu fiacchi. Ind’è i ghjovani, Tramoni, Viala è Leverton sò di u viaghju. Dicini, a dirizzioni è l’addistradori, ch’iddu si pò creda sempri à un calcusedda, chì u stintu è i forzi vivi ci sò, da fà dubbità, forsa, à Tulusa.... Una remontada ? Parchì micca no’ ?
Sintiti à Olivier Pantaloni
