Balagne: un autocar détruit par un incendie
(A redazzioni d'Alta Frequenza) - Un car hè statu distruttu da un focu issa dumenica dopu meziornu versu 2 ori nant'à a strada naziunali 197, cumuna d'Urtaca. U focu hà brusgiatu dinò 800 metri di vegetazioni à l'ingrossu. Ci era ind'u car una cinquantina di parsoni, chì sò stati presi in carica. Nimu hè statu feritu. I spinghjifochi di u Ponte à a Leccia è di L'Isula sò stati mubilizati pà ammaistrà u sinistru. Sicondu i primi elementi, issu focu saria un accidenti, è saria accadutu par via di un prublema à u nivellu di u mutori. Un car di rimpiazzamentu hè statu mandatu pà traspurtà i parsoni. Dopu à issu focu, a strada hè stata sviata, è a circulazioni s'hè fatta dunqua in alternenza, u tempu di caccià u car brusgiatu.
Sur le même sujet
