Baigneurs imprudents voire inconscients : le week-end noir des sauveteurs en mer dans le golfe du Valincu
Photo : SNSM Prupià
Dopu à a ghjurnata di sabbatu, ind’iddi ani fattu 14 uparazioni d’assistanza i salvadori à mari, da succora 17 parsoni in difficultà in u Vaddincu, quidda di duminica hè stata bedda carca ancu idda.
Eppuri, erani privisti è annunciati i pessimi cundizioni meteorologichi, è era datu cunsigliu d’ùn bagnà si.
Ma certi capivani si sò lampati à mari quantunca, ublichendu i salvadori à mari lla SNSM à intarvena parichji volti, diretti da u CROSS Corsica è u CODIS2A, par purtà aiutu à issi parsoni ferti o in difficultà.
Ci hè dunqua vulsutu à intarvena in Cala d’Orzu, à nantu à a cumuna di Coti è Chjavari, chì s’annigaia una parsona. Sò stati mubilizati chivi dui veiculi d’intarventu lla SNSM è un elicottaru. A parsona hè stata purtata à u spidali, in Aiacciu.
Un altru bagnadori hè statu fertu, in Purtiddolu. I salvadori sò intarvinuti, è a parsona hè stata purtata à u spidali, in Sartè.
Hè da nutà chì una navi si hè arrinata in Campumoru, a so ancura issendu si rutta.
Una volta di più, ramentani i salvadori ch’iddu saria ora di tena si un pocu di ghjudiziu : ùn ni piddeti risichi, masimu quand’iddu hè mossu u mari.
Ùn vi pinseti sperti, chì i currenti sò più forti chè vo’. Bagneti vi in i posti incù surviglianza.
Ùn lacheti i vosci ziteddi bagnà si soli, ancu puri ch’iddi sichini ghjuvanotti.
Sur le même sujet
