Bac 2012 : réactions de lycéens
(A redazzioni d'Alta Frequenza) - Una bunissima sissioni di u bascigliè 2012 in Corsica. Sciffri chì crescini bè di pettu à l'edizioni di u 2011. Ind'a sizzioni Bascigliè Ghjinirali, a riescita hè di 73,3% oghji, contr'à 69,4% annu fà. Pà u cantu tennologicu, i sciffri dinò sò belli : 65,8% ricivuti in u 2012 contr'à 56,5% in u 2011. Infni, prugressioni forti dinò pà u Bascigliè Prufessiunali : 72% contr'à 66% annu. Altru mutivu di suddisfazioni, pà u rettori di Corsica, a riescita à 100% pà i filieri S è L di u liceu di Corti, duva ci hè internatu d'eccelenza. Ind'a sizzioni Literaria, ci sò ancu 7 minzioni Strà Bè è 2 filicitazioni da u ghjuratu. Bella prova dinò pà u liceu Letizia Bonaparte d'Aiacciu, cù 100% di riescita pà a sizzioni Scenza Ingenieria, è una media di 20/20 pà u ghjovanu Thomas Massoni, 16 anni, è sculari bursieru. Aldilà di i sciffri, sò sculari particularmenti filici di a so riescita ch'è n'emi scuntratu, à u Liceu Letizia Bonaparte d'Aiacciu.
Micro-trottoir.
Sur le même sujet
