Avis de précipitations et de vent fort
(A redazzioni d'Alta Frequenza) - I servizii di Météo France annunziani un episodiu d'acquati forti soprattuttu pà u latu à livanti di a Corsica Suttana, à partasi da stamani è fin'è dumani matina. A nevi chì sdrughji inghjenna acqua in più. A falata di i fiumi sarà tocca da un'alzata di 19 cm pà u nivellu di u mari è marosuli da 2 à 3 metri, ciò chì pò fà crescia un risicu d'inundazioni ind'i lochi i più sposti. Un ventu assai forti da livanti à meziornu livanti hà da suffià nant'à l'assu Sartè-Aiacciu cù una putenza chì pudarà culà fin'è 110 à 130 chilometri par ora. Di pettu à issi cundizioni meteurulogichi pessimi, a più grandi prudenza hè racumandata.
Sur le même sujet
