Le Direct

Avis de fort vent en Haute-Corse

(A redazzioni d'Alta Frequenza) - A Prifittura di Corsica Suprana faci sapè ch'ellu ci hà da essa un episodiu di ventu forti ssu marcuri. Un "episodiu di venti da punenti assai sustinuti, soprattuttu in Balagna è in Capicorsu, fin'è u rughjonu bastiacciu, eppo in muntagna". I buffulati privisti sò trà 90 è 110 chilometri à l'ora, fin'è 110 à 130 chilometri à l'ora, o ancu di manera tempuraria 140 chilometri à l'ora ver di Capicorsu è Capu Sacru. Calchì buffulata à 100/110 chilometri à l'ora, o ancu appena di più, sò pussibuli di manera tempuraria in u rughjonu bastiacciu, faci sapè dinò a Prifittura di u dipartimentu.